2025 ko Ikaskuntza-Zerbitzua Sariak
PROIEKTUAK AURKEZTEKO OINARRIAK
Espainiako Ikaskuntza-Zerbitzua Sareak eta Educok, Hezkuntza, Kirol eta Lanbide Heziketako Ministerioaren laguntzarekin, 2025ko Ikaskuntza-Zerbitzua Sarietan parte hartzeko dei egiten die Espainiako Haur Hezkuntzako, Lehen Hezkuntzako, DBHko, Batxilergoko eta Lanbide Heziketako ikastetxeei nahiz gizarte-erakundeei.
Sarien helburuak
1. Haur eta gazteen ikaskuntza eta komunitatearen bizi-kalitatea hobetzeko ekintza solidarioak uztartzen dituzten ikastetxeen eta gizarte-erakundeen lana aitortzea.
2. Haurrek eta gazteek, bereziki ingurunean aldaketa positiboak eragiteko aukera gutxiago dituztenek, herritar aktibo bihurtzeko duten gaitasuna onartzea.
3. Ikaskuntza-zerbitzuko jarduerak hezkuntza arrakastatsurako eta konpromiso sozialerako tresnak direla aitortzea, eta horien zabalkundea sustatzea
4. Gizarte-justizian eta giza eskubideetan oinarritutako kultura parte-hartzailea, solidarioa eta konpromiso zibikokoa indartzea eta zabaltzea gizartean.
Ezaugarriak eta eskakizunak
1. Nork hartu ahal izango du parte?
Espainiako ikastetxe guztiek (publikoak, itunduak edo pribatuak izan), 2025ko Ikaskuntza-Zerbitzua Sarien deialdian parte hartu ahal izango dute, bai eta Haur Hezkuntzan, Lehen Hezkuntzan, DBHn, Batxilergoan eta Lanbide Heziketa1 dauden Espainiako titulartasuneko ikastetxeek eta zerbitzu-praktikak egiten ari diren Hezkuntza Bereziko ikastetxeek ere.
Halaber, gizarte-erakundeek ere hartu ahal izango dute parte (gazteen mugimenduak eta elkarteak, astialdirako elkarteak, eskauten elkarteak, boluntarioen elkarteak, ingurumeneko elkarteak, kulturalak…), baldin eta edozein autonomia-erkidegotan ikaskuntza-zerbitzuko jarduerak garatzen badituzte.
Ikastetxeek eta parte hartzen duten gizarte-erakundeek indarrean dauden legeak errespetatu behar dituzte, eta, bereziki, haurrak babesteko neurriei buruzko guztia.
Sariak hezkuntza-sektore ez-unibertsitarioentzat direnez, instituzio unibertsitarioek ezin izango dute ikasle unibertsitarioak protagonista dituen proiekturik aurkeztu, baina parte hartu ahal izango dute deialdian aurkeztutako ikastetxeen edo gizarte-erakundeen laguntzaile gisa.
1 Kontzeptuak honako hauek biltzen ditu: Oinarrizko Lanbide Heziketa; Erdi eta Goi mailako heziketa Zikloak; heziketa egokitua edo berezia eta premia bereziak dituzten ikasleen zereginen ikaskuntza; ikasketa arristiko eta musikalak, helduen hezkuntza eta enplegurako formazioa.
Administrazio publikoak ere kanpoan geratzen dira, baina ikastetxeen edo aurkezten diren gizarte- erakundeen erakunde laguntzaile gisa aurkez daitezke
Ezinbestekoa izango da deialdian aurkezten den proiektuak instituzioko (ikastetxeko edo gizarte- erakundeko) zuzendaritzaren abala edukitzea eta ez bakarrik proiektuko arduradunarena.
Ikastetxe edo gizarte-erakunde bakoitzak nahi adina proiektu aurkez ditzake, oinarrien araberakoak badira.
2. Nolako proiektuak aurkez daitezke?
Deialdi honetan ondoz ondoko bi ikasturteko proiektuak onartuko dira:
2023-2024 ikasturtean burutu diren ikaskuntza-zerbitzuko proiektuak, iazko deialdira aurkeztutakoak izanda ere.
2024-2025 ikasturtean burutu diren ikaskuntza-zerbitzuko proiektuak.
Ez da onartuko aurreko esperientziarik edo oraindik praktikan zehaztu gabeko proiekturik.
Aurreko deialdietan saritutako ikastetxeek eta gizarte-erakundeek ezin dute proiektu bera berriro
aurkeztu, baina beste batzuk aurkez ditzakete.
Aurreko deialdietan finalistak izan ziren ikastetxeek eta gizarte-erakundeek proiektu bera aurkez dezakete berriro, betiere 2023-2024 edo 2024-2025 ikasturteetan egin bada.
Aurkezten den ikaskuntza-zerbitzuko proiektua bi eredu hauetako batekin identifikatu behar da:
• A eredua: ikaskuntza-zerbitzuko proiektu zehatz bat, adin-talde edo kolektibo jakin bateko edo ikastetxe edo gizarte-erakunde osoko haurrak edo gazteak protagonista dituena.
• B eredua: ikaskuntza-zerbitzua ikastetxearen edo gizarte-erakundearen proiektu globalaren izaera- ikurra den eredua.
Honako honi deritzogu ikaskuntza-zerbitzua:
Hezkuntza-proposamen honek ikaskuntzako eta komunitatearentzako zerbitzuko prozesuak bateratzen ditu ondo egituratutako proiektu bakar batean. Proiektu horretan, parte-hartzaile guztiek inguruneko benetako premietan lan egiten ikasiko dute, hura hobetzeko asmoz.
PROIEKTUAK AURKEZTEKO OINARRIAK.HEMEN.
