ADI EGON EGUN GARRANTZITSUARI: IRAILAREN 30A

by Zerbikas in Sin categoría. Posted 8 septiembre, 2024

Irailaren 30ean amaitzen da IkZ 2024 Sarietarako proiektuak aurkezteko epea.

IkZ 2024 Sarietarako zure proiektua aurkezteko asmoa baduzu, adi egon, ez daitela data pasa.

Proiektua aurkezten laguntza behar baduzu, jarri harremanetan formacion@zerbikas.es helbidearen bitartez.

Ikasketa-Zerbitzu Sarien 10. deialdia

Espainiako Ikasketa-Zerbitzu Sareak eta Educo GKEk, Hezkuntza, Lanbide Heziketa eta Kirol Ministerioaren laguntzarekin, berriro bultzatu dute 2024ko Ikasketa-Zerbitzu Sarien deialdia, aurten hamargarren edizioa beteko duena. Haur eta Lehen Hezkuntzako ikastetxeei zuzenduta dago, DBH-Batxilergoa-Lanbide Heziketari eta Lanerako Heziketari, bai eta zerbitzuetan adituak diren gizarte-entitateei ere.

Hezkuntza-arrakasta eta gizarte-konpromisoa batzen dituzten praktikak dira. Horietan, haurrak, gazteak eta helduak beren ingurunea hobetzeko ekintzetan inplikatzen dira eta, aldi berean, ezagutzak, trebetasunak, jarrerak eta balioak indartzen dituzte: komunitateari zerbitzu bat emanez ikasten dute.

• Zuhaitzak landatuz, baso eta paisaiei, baso-soiltzeari eta klima-aldaketari buruz ikasten dute beste gauza batzuen artean.

• Odola emateko kanpaina bat eginez, odol-taldeei, odolaren osagaiei eta organismoan duten funtzioari, transfusioei eta abarri buruz ikasten dute.

• QR kodeak dituen ibilbide turistiko bat sortuz, biztanleen ondare artistiko eta urbanistikoari, historiari, teknologia mugikorrari eta abarri buruz ikasten dute.

Eta esperientzia horietan guztietan, gainera, ahalegina, antolaketa, talde-lana, erabakiak hartzea, elkartasuna, enpatia, komunikazio-trebetasunak eta abar ikasten dituzte.

Webgunetik informazio guztia eskuratu eta proiektuak aurkezten dira (https://aprendizajeservicio.com). 2024ko irailaren 30era arteko epea dago, eta bi ikasturteko proiektuak hartzen dira: 2022-2023 eta 2023-2024.

Sariak emateko ekitaldia Meridan izango da, 2024ko abenduaren 13an, ostirala, Ikasketa-Zerbitzuko estatuko XVII. Topaketaren barruan.

DKV Seguros, la Caixa Fundazioa, CENEAM (Trantsizio Ekologikoaren eta Erronka Demografikoaren Ministerioa), OEI (Iberoamerikako Estatuen Erakundea), Ana Bella Fundazioa, Mullor Fundazioa, Plena Inclusión, Bosco Global, Edelvives Fundazioa, Princesa de Girona Fundazioa, Esplai Florida, ACES-Andaluzia eta Meridako udaletxea ekimen honen alde daude.

Guztion onerako diren haur eta gazteen talentua garatzen parte hartzen duten hezitzaileak ezagutzen badituzue, animatu euren proiektuak aurkeztera!